Il-kollaborazzjoni tiftaħ opportunitajiet għal studji u analiżi dwar is-suq tax-xogħol, il-produttività, il-politika soċjali, is-sostenibbiltà, id-demografija u l-iżvilupp reġjonali, inkluż Għawdex. Il-ftehim jipprevedi wkoll il-kontribut ta’ rappreżentanti tal-Università f’diskussjonijiet rilevanti tal-Kunsill u djalogu strateġiku annwali dwar ir-riċerka, il-ħiliet, l-innovazzjoni u x-xejriet ekonomiċi u soċjali emerġenti.

Permezz ta’ din is-sħubija, iż-żewġ istituzzjonijiet se jesploraw opportunitajiet għal taħriġ, seminars, workshops u involviment tal-istudenti fi proġetti ta’ riċerka marbuta mad-djalogu soċjali. Il-ftehim jipprevedi wkoll l-użu tal-Kampus tal-Università fil-Belt Valletta għal attivitajiet tal-MCESD, skont id-disponibbiltà u l-arranġamenti miftiehma.

Il-ftehim ġie ffirmat f’isem l-MCESD miċ-Chairperson, is-Sinjura Maria Micallef, u mill-Kap Eżekuttiv, Dr Brendan Zerafa, filwaqt li f’isem l-Università ta’ Malta ffirma r-Rettur, il-Professur Frank Bezzina. Il-Ministru  għall-Fondi Ewropej, id-Djalogu Soċjali u l-Protezzjoni tal-Konsumatu  Keith Azzopardi Tanti u l-Ministru għall-Edukazzjoni u l-Isport Byron Camilleri ppresedew l-iffirmaw.

MCESD and the University of Malta strengthen collaboration in research and social dialogue

The post L-MCESD u l-Università ta’ Malta jsaħħu l-kollaborazzjoni fir-riċerka u fid-djalogu soċjali. appeared first on MCESD.

Il-Kap Eżekuttiv tal-Aġenzija Identità, il-Kurunell Edric Zahra, u Graziella Cauchi minn Jobsplus taw rendikont tal-ewwel sena ta’ implimentazzjoni u spjegaw l-impatt tal-miżuri introdotti. Huma tkellmu dwar il-progress fl-istabbiltà fl-impjieg u l-konformità fis-suq tax-xogħol, kif ukoll dwar il-ħidma biex il-ħiliet tal-ħaddiema jiġu marbuta aktar mill-qrib mal-ħtiġijiet tas-suq, filwaqt li jissaħħu l-integrazzjoni u l-protezzjoni tagħhom.

Il-Ministru Jonathan Attard qal li l-ewwel sena ta’ implimentazzjoni kienet pożittiva. “Il-migrazzjoni tax-xogħol ma tistax tkun sempliċiment kwistjoni ta’ kemm għandna bżonn ħaddiema, iżda ta’ liema ħaddiema u liema ħiliet verament jeħtieġ il-pajjiż,” saħaq il-Ministru.

Il-Ministru Keith Azzopardi Tanti laqa’ r-rispons tal-imsieħba soċjali għall-progress li sar u enfasizza l-importanza tad-djalogu kontinwu sabiex il-politika tibqa’ tiġi aġġornata skont il-ħtiġijiet tal-lum u tal-futur.

Iċ-Chairperson tal-MCESD, Maria Micallef, qalet li “kien hemm qbil unanimu li din il-politika tmexxiet tajjeb u diġà qed tħalli benefiċċji, filwaqt li ġie rikonoxxut li għad hemm lok għal titjib.”

L-imsieħba ddiskutew ukoll l-evalwazzjoni tal-miżuri eżistenti u l-passi li jmiss fl-iżvilupp tal-politika. L-MCESD se jkompli joffri spazju għad-djalogu bejn il-Gvern u l-imsieħba soċjali sabiex il-politika tibqa’ tirrifletti l-ħtiġijiet tas-suq tax-xogħol.

Ritratti:

The post L-Imsieħba Soċjali jiddiskutu l-ewwel sena tal-Labour Migration Policy appeared first on MCESD.

Il-laqgħa, li saret fit-18 ta’ Settembru 2026 fil-Kampus tal-Belt Valletta tal-Università ta’ Malta, inkludiet interventi introduttorji miċ-Chairperson tal-MCESD Maria Micallef u mill-Ministru għall-Fondi Ewropej, id-Djalogu Soċjali u l-Protezzjoni tal-Konsumatur, l-Onor. Keith Azzopardi Tanti. Saret ukoll preżentazzjoni mis-Sinjura Maria Elena Despott, Kap tar-Rappreżentanza tal-Kummissjoni Ewropea f’Malta, segwita minn reazzjonijiet u diskussjoni mal-imsieħba soċjali.

Il-preżentazzjoni tat ħarsa ġenerali lejn il-prestazzjoni ekonomika ta’ Malta, filwaqt li enfasizzat tkabbir fil-Prodott Domestiku Gross (PDG) ta’ 4.0% fl-2025, bi tkabbir imbassar ta’ 3.7% fl-2026. Ġie nnutat ukoll it-tkabbir kontinwu fl-impjiegi, flimkien mal-isfidi relatati man-nuqqas ta’ ħaddiema u ta’ ħiliet.

Is-Sinjura Maria Elena Despott, Kap tar-Rappreżentanza tal-Kummissjoni Ewropea f’Malta, qalet “id-Diskors dwar l-Istat tal-Unjoni tal-President Ursula von der Leyen ippreżenta l-viżjoni u l-azzjonijiet konkreti għas-sena li ġejja sabiex jiġu indirizzati l-ħtiġijiet taċ-ċittadini u n-negozji Ewropej. Il-prijoritajiet imħabbra huma partikolarment rilevanti għal Malta, fosthom il-kompetittività, it-tlestija tas-Suq Uniku, is-simplifikazzjoni tar-regoli, it-titjib tal-aċċess għall-kapital u l-ħolqien ta’ impjiegi ta’ kwalità ogħla.”

Hija żiedet li l-isfidi, mill-intelliġenza artifiċjali sat-tibdil fil-klima, jippreżentaw ukoll opportunitajiet għaċ-ċittadini u n-negozji, filwaqt li enfasizzat l-importanza tar-rakkomandazzjonijiet tas-Semestru Ewropew fit-tisħiħ tal-kompetittività ta’ Malta.

X’ġie diskuss waq din il-laqgħa, iċ-Chairperson tal-MCESD Maria Micallef qalet li “iffukajna fuq żewġ oqsma importanti: id-Diskors dwar l-Istat tal-Unjoni tal-President Ursula von der Leyen, li spjega l-prijoritajiet tal-UE għas-sena li ġejja, u r-Rapport tal-Pajjiż għal Malta fi ħdan is-Semestru Ewropew. Filwaqt li ċ-ċifri ekonomiċi juru li Malta qed tkompli miexja f’direzzjoni pożittiva kif ukoll li ddiskutejna s-sitt oqsma identifikati permezz tar-rakkomandazzjonijiet tal-UE li fuqhom Malta jeħtieġ li tkompli tiffoka.”

Il-laqgħa eżaminat is-sitt oqsma koperti mir-Rakkomandazzjonijiet Speċifiċi għall-Pajjiż għal Malta għall-2026 u l-2027: il-politika fiskali, it-tassazzjoni u l-pensjonijiet; il-fondi tal-UE; ir-riċerka u l-innovazzjoni u s-sistema tal-ġustizzja; l-enerġija u t-trasport; l-immaniġġjar tal-iskart u l-ilma; u l-edukazzjoni, il-ħiliet u l-kwalità tal-impjiegi.

Id-diskussjoni tat lill-imsieħba soċjali l-opportunità li jaqsmu l-fehmiet tagħhom dwar ir-rakkomandazzjonijiet u l-implikazzjonijiet tagħhom għall-iżvilupp ekonomiku u soċjali ta’ Malta.

Ritratti:

The post L-MCESD jiddiskuti l-prijoritajiet Ewropej u r-rakkomandazzjonijiet għal Malta appeared first on MCESD.

Il-laqgħa saret fil-preżenza tal-Ministru għall-Fondi Ewropej, id-Djalogu Soċjali u l-Protezzjoni tal-Konsumatur, Keith Azzopardi Tanti, u ċ-Chairperson tal-MCESD, Maria Micallef. Matul is-sessjoni saret preżentazzjoni mir-rappreżentanti tad-DIER, segwita mill-kummenti tal-imsieħba soċjali u diskussjoni dwar il-passi li jmiss.

Id-diskussjoni tat l-opportunità lill-imsieħba soċjali jqajmu mistoqsijiet, jitolbu kjarifiki u jaqsmu l-perspettivi tagħhom dwar l-implimentazzjoni prattika tar-rekwiżiti l-ġodda fil-postijiet tax-xogħol Maltin.

Ir-Regolamenti dwar it-Trasparenza fil-Pagi jintroduċu diversi miżuri mmirati biex isaħħu t-trasparenza u l-ugwaljanza bejn il-ġeneri fuq il-post tax-xogħol. Dawn jinkludu d-dritt għall-informazzjoni dwar il-pagi, rekwiżiti relatati mal-informazzjoni dwar is-salarju waqt ir-reklutaġġ, rappurtar dwar id-differenza fil-pagi bejn il-ġeneri għal ċerti impjegaturi, kif ukoll mekkaniżmi biex jiġu indirizzati differenzi fil-pagi li ma jkunux ġustifikati.

Il-Ministru Keith Azzopardi Tanti enfasizza li din id-diskussjoni kienet xprunata mis-sħab soċjali stess u saħaq fuq l-importanza li wieħed jisma’ l-esperjenzi tagħhom. “Kienet sessjoni u diskussjoni interessanti ferm, li kienet xprunata u mitluba mill-imsieħba soċjali stess, dwar id-Direttiva tat-Trasparenza fil-Pagi. Flimkien mad-DIER, kellna l-opportunità li nisimgħu dak li kellhom xi jgħidu l-imsieħba soċjali sabiex inkomplu ntejbu l-ħidma tagħna f’dan il-qasam,” qal il-Ministru Keith Azzopardi Tanti.

Iċ-Chairperson tal-MCESD, Maria Micallef, enfasizzat ukoll dwar l-importanza ta’ djalogu kontinwu sabiex jiġi żgurat li l-proċess ta’ implimentazzjoni jiġi kkomunikat b’mod ċar lill-membri rispettivi rappreżentati mill-imsieħba soċjali. Is-Sinjura Micallef qalet li “d-diskussjoni bejn l-imsieħba soċjali indirizzat għadd ta’ kjarifiki li kien hemm bżonn jiġu diskussi. Permezz tad-djalogu mal-imsieħba soċjali, nistgħu nikkomunikaw b’mod aktar effettiv mal-membri rispettivi tagħhom dwar l-aħjar triq ’il quddiem għall-implimentazzjoni, filwaqt li niżguraw li l-proċess jitwettaq bl-aktar mod effettiv u b’impatt negattiv minimu fuq min iħaddem u l-impjegati.”

Id-Direttur Ġenerali tad-DIER, Diane Vella Muscat, qalet li l-involviment tal-imsieħba soċjali jipprovdi għarfien importanti dwar kif il-leġiżlazzjoni qed tiġi esperjenzata fil-postijiet tax-xogħol. “Kellna djalogu interessanti ħafna dwar id-Direttiva tat-Trasparenza fil-Pagi. Issa li l-leġiżlazzjoni ġiet ippubblikata, stajna niddiskutu l-implimentazzjoni tagħha u dak li qed jiġi esperjenzat fil-postijiet tax-xogħol. Dan jgħinna, bħala regolatur, nifhmu aħjar ir-realtajiet fuq il-post. L-imsieħba soċjali ħafna drabi huma l-għajnejn u l-widnejn tagħna, u huwa importanti li nkomplu naħdmu magħhom biex niżguraw it-trasparenza fil-pagi u li l-ħaddiema jirċievu dak li huwa dovut lilhom,” kompliet is-Sinjura Vella Muscat.

Il-laqgħa affermat mill-ġdid ir-rwol tal-MCESD bħala pjattaforma għal djalogu soċjali strutturat, li tlaqqa’ flimkien lill-Gvern, lill-imsieħba soċjali u lill-istituzzjonijiet rilevanti sabiex jiddiskutu żviluppi leġiżlattivi u ta’ politika li jaffettwaw il-post tax-xogħol.

Ritratti:

The post L-MCESD jiddiskuti l-implimentazzjoni tad-Direttiva dwar it-Trasparenza fil-Pagi mal-imsieħba soċjali appeared first on MCESD.

Laqgħa tal-MCESD

Attendew u indirizzaw din l-ewwel parti tal-laqgħa tal-MCESD l-Onor. Miriam Dalli, Ministru għall-Enerġija, l-Ambjent u r-Riġenerazzjoni tal-Port il-Kbir; l-Onor. Keith Azzopardi Tanti, Ministru għall-Fondi Ewropej, Djalogu Soċjali u Protezzjoni tal-Konsumatur; iċ-Ċermen Eżekuttiv tal-Enemalta, l-Inġinier Ryan Fava, flimkien ma’ rappreżentanti oħra tal-Enemalta.

L-Enemalta pprovdiet aġġornament dwar il-progress tal-programm ta’ investiment kontinwu tagħha mmirat lejn it-tisħiħ tan-netwerk tad-distribuzzjoni tal-elettriku ta’ Malta. Il-kumpanija enfasizzat it-titjib miksub permezz tal-programm ta’ investiment tagħha ta’ €141 miljun (2023–2026), li qed iżid il-kapaċità tan-netwerk, itejjeb l-affidabbiltà u jħejji s-sistema tal-elettriku għad-domanda futura mmexxija mill-elettrifikazzjoni, l-enerġija rinnovabbli, it-tkabbir industrijali u proġetti nazzjonali ewlenin.

Il-Ministru Miriam Dalli u ċ-Ċermen Eżekuttiv tal-Enemalta, l-Inġinier Ryan Fava, jindirizzaw lill-MCESD.

Iċ-Ċermen Eżekuttiv tal-Enemalta, l-Inġinier Ryan Fava, qal li l-kumpanija qed tinvesti mhux biss biex tissodisfa l-ħtiġijiet attwali tal-elettriku, iżda wkoll biex tibni n-netwerk meħtieġ għall-futur ta’ Malta. Huwa enfasizza li, minkejja żieda sinifikanti fid-domanda għall-elettriku, l-interruzzjonijiet fuq in-netwerk ta’ vultaġġ medju naqsu b’madwar 76% meta mqabbla mal-2023, u dan juri l-impatt pożittiv tal-investiment strateġiku fl-infrastruttura.

L-Inġinier Fava żied li l-Enemalta qed tintensifika x-xogħlijiet fuq in-netwerk ta’ vultaġġ baxx, li jservi direttament lid-djar u lin-negozji, filwaqt li tkompli ssaħħaħ is-sistema tal-elettriku biex tappoġġja l-objettivi fit-tul ta’ Malta fl-enerġija, l-ekonomija u s-sostenibbiltà.

Il-Ministru għad-Djalogu Soċjali, l-Onor. Keith Azzopardi Tanti, u ċ-Chairperson tal-MCESD, is-Sinjura Maria Micallef, jindirizzaw lill-MCESD.

Iċ-Chairperson tal-MCESD, is-Sinjura Maria Micallef, laqgħet id-diskussjoni u enfasizzat l-importanza ta’ djalogu u konsultazzjoni kontinwi bejn il-partijiet interessati rilevanti. Hija qalet li diskussjonijiet dwar kwistjonijiet nazzjonali ewlenin bħall-infrastruttura tal-enerġija, l-investiment u l-ippjanar futur huma essenzjali biex jiġi żgurat futur sostenibbli u reżiljenti għal Malta.

Il-Kunsill irrikonoxxa u apprezza l-impenn kontinwu tal-Ministru Miriam Dalli u tal-Enemalta biex ikomplu jaġġornaw regolarment lill-MCESD u lill-imsieħba soċjali dwar ix-xogħlijiet li għaddejjin, il-pjanijiet ta’ investiment u l-iżviluppi fin-netwerk tad-distribuzzjoni tal-elettriku ta’ Malta.

L-imsieħba soċjali taw il-kummenti u r-rakomandazzjonijiet tagħhom dwar dan is-suġġett diskuss, u kkontribwew b’mod kostruttiv għad-djalogu u l-iskambju ta’ fehmiet. Huma enfasizzaw l-importanza ta’ konsultazzjoni kontinwa, ippjanar fit-tul u investiment koordinat fl-infrastruttura nazzjonali biex jiġu indirizzati l-ħtiġijiet futuri u jiġi żgurat żvilupp sostenibbli. Il-Kunsill esprima wkoll apprezzament lejn il-ħaddiema tal-Enemalta għall-impenn u l-ħidma kontinwa tagħhom fit-tisħiħ u l-manutenzjoni tan-netwerk tal-elettriku ta’ Malta.

Il-Ministru għall-Ugwaljanza u d-Drittijiet Ċivili, l-Onor. Rosianne Cutajar, u Dr Jurgen Dingli mid-Direttorat tad-Drittijiet tal-Bniedem jindirizzaw lill-MCESD.

Matul it-tieni parti tal-laqgħa, l-MCESD laqa’ lill-Onor. Rosianne Cutajar, Ministru għall-Ugwaljanza u d-Drittijiet Ċivili, flimkien ma’ rappreżentanti mid-Direttorat tad-Drittijiet tal-Bniedem għal diskussjoni dwar l-ugwaljanza u d-drittijiet tal-bniedem.

Id-diskussjoni ffokat fuq il-leġiżlazzjoni proposta li tistabbilixxi l-Kummissjoni Nazzjonali għad-Drittijiet tal-Bniedem u l-Ugwaljanza, li hija maħsuba biex taqdi l-funzjoni kemm ta’ Istituzzjoni Nazzjonali għad-Drittijiet tal-Bniedem skont il-Prinċipji ta’ Pariġi, kif ukoll ta’ Korp għall-Ugwaljanza skont id-direttivi rilevanti tal-Unjoni Ewropea.

Iċ-Chairperson tal-MCESD, is-Sinjura Maria Micallef, laqgħet il-preżentazzjoni u enfasizzat l-importanza ta’ djalogu u konsultazzjoni kontinwi dwar kwistjonijiet relatati mal-ugwaljanza, id-drittijiet tal-bniedem u l-inklużjoni soċjali.

L-imsieħba soċjali qasmu wkoll il-ħsibijiet u r-rakomandazzjonijiet tagħhom dwar il-proposta, u kkontribwew b’mod kostruttiv għad-djalogu u l-iskambju ta’ fehmiet. Huma enfasizzaw l-importanza li tinżamm konsultazzjoni kontinwa u diskussjoni miftuħa fost il-partijiet interessati kollha hekk kif il-proċess leġiżlattiv ikompli.

Ritratti:

The post L-MCESD Tiddiskuti l-Infrastruttura tal-Enerġija u l-Leġiżlazzjoni dwar l-Ugwaljanza mar-Rappreżentanti tal-Gvern appeared first on MCESD.

Iċ-Chairperson tal-MCESD, is-Sa. Maria Micallef, saħqet fuq l-importanza li l-MCESD ikollu laqgħat regolari mal-Malta Fiscal Advisory Council sabiex id-data u l-analiżi tiegħu jkomplu jsaħħu d-djalogu soċjali u jikkontribwixxu għal tfassil ta’ politika aktar infurmata.

Il-Ministru għall-Fondi Ewropej, id-Djalogu Soċjali u l-Protezzjoni tal-Konsumatur, l-Onor. Keith Azzopardi Tanti, irringrazzja lill-imsieħba soċjali tal-impenn kontinwu tagħhom fi ħdan l-MCESD u saħaq li l-Gvern se jkompli jisma’ l-fehmiet u l-kontribut ta’ kulħadd.

Matul il-laqgħa, l-imsieħba soċjali pparteċipaw f’diskussjoni li matulha qasmu l-fehmiet u l-proposti tagħhom dwar is-suġġett. Huma enfasizzaw l-importanza li Malta tkompli ssaħħaħ l-ekonomija tagħha u toħloq aktar opportunitajiet għan-nies u n-negozji. Ġew diskussi wkoll temi bħat-tkabbir ekonomiku sostenibbli, il-produttività, il-kompetittività tan-negozji, id-diversifikazzjoni tal-ekonomija Għawdxija, is-sigurtà tal-enerġija, il-kwalità tal-ħajja u l-benesseri, kif ukoll kif dawn il-prijoritajiet jistgħu jkomplu jsaħħu lill-pajjiż fil-futur. L-imsieħba qablu li rapporti regolari ta’ dan it-tip huma ta’ valur biex jappoġġjaw diskussjonijiet ibbażati fuq evidenza u biex jindirizzaw l-isfidi ekonomiċi tal-futur.

Waqt it-tieni parti tal-aġenda, il-membri Maltin tal-Kumitat Ekonomiku u Soċjali Ewropew (EESC), il-Professur Philip Von Brockdorff u s-Sur Jason Deguara, taw ukoll aġġornament lill-imsieħba soċjali dwar il-ħidma tal-Kumitat. Permezz ta’ preżentazzjoni u diskussjoni, ġew esplorati wkoll aktar opportunitajiet ta’ kollaborazzjoni bejn l-EESC u l-MCESD.

Ritratti:

The post Il-Malta Fiscal Advisory Council Jiddiskuti l-Governanza Fiskali u l-Prijoritajiet Ekonomiċi mal-MCESD appeared first on MCESD.

Il-Prim Ministru, Robert Abela, tenna li dan il-Gvern se jkompli jipprijoritizza l-konsultazzjoni mal-imsieħba soċjali kollha. Huwa rrefera wkoll għar-relazzjoni ta’ rispett u ħbiberija li nbniet fl-aħħar snin, fosthom f’mumenti kritiċi bħall-pandemija, meta l-Gvern, flimkien mal-imsieħba soċjali, ħadem biex jissalvagwardja l-ħaddiema, il-familji, min iħaddem u l-istabbiltà ekonomika tal-pajjiż.

Huwa semma wkoll il-ħidma konġunta bejn il-Gvern u l-MCESD fuq il-Viżjoni Malta 2050 u fuq diversi ftehimiet settorjali u kollettivi li tejbu l-kundizzjonijiet tal-ħaddiema. Qal li fid-diskussjonijiet u l-ħidma dejjem kien hemm rispett u impenn lejn il-ġid komuni.

Il-Prim Ministru saħaq fuq l-irwol kruċjali tal-MCESD bħala pjattaforma ta’ djalogu soċjali fejn il-Gvern u l-imsieħba soċjali jiddiskutu u jfasslu flimkien deċiżjonijiet ta’ importanza nazzjonali.

Il-Ministru Keith Azzopardi Tanti qal li l-progress sostenibbli ma jistax jiġi impost minn naħa waħda biss, iżda għandu jinbena flimkien permezz ta’ djalogu fejn it-tkabbir ekonomiku jimxi id f’id mal-progress soċjali u l-investiment fil-ħiliet tal-ħaddiema. “Bħala Gvern, aħna kommessi li naħdmu mal-imsieħba soċjali kollha biex l-użu tal-fondi Ewropej u d-deċiżjonijiet tagħna jkomplu jtejbu l-kwalità tal-ħajja tan-nies u ma jħallu lil ħadd lura,” tenna l-Ministru Azzopardi Tanti.

Iċ-Chairperson tal-MCESD, Maria Micallef, qalet li l-fatt li waħda mill-ewwel attivitajiet ta’ din il-leġiżlatura kienet proprju laqgħa tal-MCESD huwa sinjal ċar tal-importanza li l-Gvern qed jagħti lid-djalogu soċjali u lill-imsieħba soċjali.

“Bħala pajjiż irridu nimxu ’l quddiem permezz tal-Viżjoni Malta 2050, viżjoni li l-Kunsill tal-MCESD kien strumentali biex titnieda. Il-valur ta’ din il-viżjoni ma jitkejjilx biss mill-aspirazzjonijiet tagħha, iżda wkoll mill-kapaċità tagħna li nibqgħu ffukati fuq l-implimentazzjoni u l-miri tagħha,” spjegat Maria Micallef.

Fl-aħħar nett, hija saħqet li jekk kulħadd jibqa’ impenjat għad-djalogu, bħala pajjiż nistgħu mhux biss nindirizzaw l-isfidi tal-lum, iżda wkoll nibnu futur aktar sostenibbli, inklużiv u prosperu għall-ġenerazzjonijiet ta’ għada, filwaqt li nkomplu ntejbu l-kwalità tal-ħajja u l-benesseri tal-Maltin u l-Għawdxin.

L-imsieħba soċjali laqgħu din il-laqgħa mal-Prim Ministru u mal-membri tal-Kabinett preżenti b’mod pożittiv u taw ir-rakkomandazzjonijiet tagħhom, filwaqt li saħqu fuq il-ħtieġa ta’ kontinwità u koordinazzjoni aktar b’saħħitha fil-proċess ta’ konsultazzjoni nazzjonali. Huma enfasizzaw ukoll l-importanza li l-MCESD jibqa’ fil-qalba tad-djalogu soċjali, b’enfasi fuq l-istabbiltà, is-sostenibbiltà u l-kwalità tal-ħajja għall-poplu Malti u Għawdxi.

Ritratti: 

The post Il-Prim Ministru jiddiskuti mal-MCESD il-prijoritajiet nazzjonali għal din il-leġiżlatura appeared first on MCESD.

Il-Kumitat tas-Soċjetà Ċivili jiddiskuti temi ta’ relevanza għas-soċjetà u jressaq rakkomandazzjonijiet lill-Gvern.

• Eliġibbiltà

Sabiex organizzazzjoni tkun eliġibbli biex tifforma parti mill-Kumitat, trid tkun irreġistrata mal-Kummissarju għall-Organizzazzjonijiet Volontarji għal mill-inqas sena.

• Elezzjonijiet u Votazzjoni

Wara l-proċess tan-nominazzjonijiet, isiru elezzjonijiet fis-setturi fejn jkun hemm aktar minn żewġ nominazzjonijiet.

• Kull organizzazzjoni rreġistrata mal-MCESD għandha dritt għal vot wieħed.
• L-organizzazzjonijiet jistgħu jivvutaw biss fis-settur rispettiv tagħhom.
• Mhux permess li tivvota f’setturi oħra.

Il-lista attwali tal-organizzazzjonijiet irreġistrati tista’ tinstab hawnhekk: MCESD Reġistru ta’ VOs

(Il-lista bħalissa qed tiġi aġġornata hekk kif qed nirċievu reġistrazzjonijiet ġodda.)

L-elezzjonijiet huma previsti li jsiru f’Ġunju u ser isiru online. Mhux se jkun hemm bżonn ta’ preżenza fiżika.

• Laqgħat u Responsabbiltajiet tal-Kumitat

Il-laqgħat tal-Kumitat normalment isiru darba fix-xahar, bħalissa fit-tieni Tnejn tax-xahar bejn l-4:00pm u l-5:30pm, jew fl-uffiċini tal-MCESD fil-Belt Valletta jew online.

Il-membri tal-Kumitat jidentifikaw u jipprijoritizzaw is-suġġetti għad-diskussjoni. Wara d-diskussjonijiet, jitħejjew rapporti u rakkomandazzjonijiet li jintbagħtu liċ-Chairperson tal-MCESD u lill-Ministeri, awtoritajiet jew entitajiet relevanti. Fejn meħtieġ, jistgħu jsiru wkoll laqgħat ta’ segwitu.

Iċ-Chairperson jintgħażel minn fost il-membri tal-Kumitat wara li jiġi ffurmat il-kumitat il-ġdid. Jekk ikun hemm aktar minn kandidat wieħed, issir elezzjoni. Iċ-Chairperson elett iservi wkoll bħala membru ex officio tal-MCESD.

• Parteċipazzjoni u Impenn

Parteċipazzjoni attiva hija essenzjali biex il-Kumitat ikun effettiv. Għalhekk, il-membri huma mistennija jattendu l-laqgħat regolarment u jagħtu l-kontribut tagħhom fid-diskussjonijiet u feedback li jsiru permezz tal-email bejn laqgħa u oħra.

Aktar informazzjoni dwar il-proċeduri tal-Kumitat u r-responsabbiltajiet tal-membri eletti tinsab fl-Avviż Legali 206 ta’ 2012 u  Avviż Legali 92 ta’ 2024

• Reġistrazzjoni u Nominazzjonijiet

L-organizzazzjonijiet interessati jistgħu jirreġistraw u jissottomettu d-dettalji tan-nominazzjonijiet permezz tal-formola li hi accessibli hawn: Formola ta’ Reġistrazzjoni u Nominazzjoni

Alternattivament, jistgħu jibagħtu email fuq: info.mcesd@gov.mt sabiex jingħataw aktar informazzjoni.

Din is-sejħa tgħalaq fis-14 ta’ Ġunju 2026.

Il-vuċi tal-organizzazzjoni tagħkom hija importanti u napprezzaw il-parteċipazzjoni tagħkom. Ingħaqdu magħna biex flimkien nagħmlu differenza.

The post SEJĦA GĦAL NOMINAZZJONIJIET – Kumitat tas-Soċjetà Ċivili fi ħdan l-MCESD appeared first on MCESD.

Id-diġitalizzazzjoni qed issir element essenzjali biex tiżdied il-produttività u tiġi żgurata l-kompetittività ta’ Malta f’ħafna setturi, speċjalment f’kuntest globali li qed jinbidel b’pass mgħaġġel. F’dan l-isfond, fuq proposta tal-General Workers’ Union (GWU) u l-Kamra tal-Kummerċ, l-MCESD iddiskuta d-diġitalizzazzjoni u l-importanza tagħha fid-dinja tal-lum.

Fid-diskussjoni, flimkien mal-Imsieħba Soċjali, ipparteċipaw rappreżentanti mill-Ministeru għall-Ekonomija, l-Intrapriża u Proġetti Strateġiċi, il-Malta Digital Innovation Authority (MDIA), Malta Enterprise u l-Malta Business Registry (MBR), li ppreżentaw diversi inizjattivi, miżuri u skemi relatati mad-diġitalizzazzjoni, li jappoġġjaw kemm lill-ħaddiema kif ukoll lin-negozji fl-adattament tagħhom għat-trasformazzjoni diġitali.

Iċ-Chairperson tal-MCESD, Maria Micallef, enfasizzat li mingħajr il-ħiliet meħtieġa ma nistgħux niksbu r-riżultati mixtieqa, u għalhekk saħqet fuq l-importanza tar-reskilling, upskilling u lifelong learning. Hija sostniet li rridu nħarsu ’l quddiem u nifhmu kif id-diġitalizzazzjoni tista’ tintuża biex tissaħħaħ il-kwalità tal-ħajja tan-nies, filwaqt li s-sostenibbiltà u r-reżiljenza jibqgħu kruċjali sabiex jiġi promoss żvilupp inklussiv u sostenibbli.

Maria Micallef spjegat kif: “Permezz tal-pjattaforma unika tal-MCESD, il-Gvern u l-Imsieħba Soċjali jistgħu jaħdmu flimkien biex jiżguraw li d-diġitalizzazzjoni, li ġġib magħha bidla inevitabbli, tkun trasformazzjoni ġusta li toħloq riżultati kemm għall-industrija kif ukoll għall-ħaddiema. F’dan il-kuntest, id-djalogu soċjali jibqa’ essenzjali biex niżguraw li din il-bidla tkun inklussiva, sostenibbli u ta’ benefiċċju reali għal kulħadd.”

Il-General Workers’ Union spjegat li pproponiet din id-diskussjoni għax temmen li l-ħaddiema għandhom ikunu mgħammra bit-taħriġ u l-ħiliet meħtieġa biex jaffaċċjaw it-tibdil fid-dinja tax-xogħol. Saħqet fuq il-ħtieġa li, permezz ta’ lifelong learning, il-ħaddiema jkunu jistgħu jadattaw għal dan il-paradoss ta’ trasformazzjoni kontinwa, filwaqt li flimkien mal-Gvern u min iħaddem ikomplu jtejbu l-valur tal-ħaddiem fis-suq tax-xogħol.

Il-Kamra tal-Kummerċ sostniet li d-diġitalizzazzjoni hija realtà li qed tinbidel kontinwament u li trid tiġi indirizzata b’serjetà. Enfasizzat li n-negozji għandhom jibbenefikaw minn skemi, servizzi u inizjattivi offruti mill-Gvern biex ikomplu jsaħħu l-kompetittività tagħhom.

Il-Kunsill tal-MCESD laqa’ b’mod pożittiv din il-laqgħa, li tqieset rilevanti ħafna għaż-żmien tal-lum, u għamel diversi rakkomandazzjonijiet lill-awtoritajiet ikkonċernati dwar miżuri biex tissaħħaħ id-diġitalizzazzjoni, kemm għall-ħaddiema kif ukoll għan-negozji.

Ritratti:

The post Id-Diġitalizzazzjoni fuq l-Aġenda tal-MCESD appeared first on MCESD.

Il-laqgħa ffukat fuq l-istabbiltà fil-provvista u fil-prezzijiet tal-enerġija, il-fjuwil, kif ukoll fuq il-proġetti li pajjiżna qed jimplimenta biex jissaħħaħ is-sigurtà tal-provvista u jkompli jissaħħaħ is-settur.

L-imsieħba soċjali, li jirrappreżentaw oqsma differenti tas-soċjetà u tal-ekonomija, iddiskutew is-suġġetti mqajma u taw il-kontribut tagħhom fil-kuntest tad-djalogu soċjali u l-proċess ta’ konsultazzjoni.

Waqt il-laqgħa, il-Prim Ministru enfasizza l-importanza ta’ deċiżjonijiet li jkomplu jiggarantixxu kemm il-provvista kif ukoll l-istabbiltà fil-prezzijiet tal-enerġija, filwaqt li rrefera wkoll għall-investimenti u l-politiki li qed isostnu dan is-settur.

Il-Ministru Miriam Dalli rrimarkat li l-istabbiltà fil-prezz u fil-provvista tibqa’ pilastru ewlieni tal-politika enerġetika nazzjonali, filwaqt li enfasizzat ukoll il-ħidma li qed issir biex jitkompla l-investiment u t-tranżizzjoni lejn enerġija aktar sostenibbli.

Min-naħa tiegħu, is-Segretarju Parlamentari Andy Ellul saħaq fuq l-importanza tad-djalogu soċjali, filwaqt li nnota kif laqgħat bħal dawn joffru spazju fejn l-imsieħba soċjali jistgħu jesprimu l-fehmiet tagħhom dwar suġġetti li jaffettwaw il-ġejjieni tal-pajjiż.

Il-membri tal-MCESD ingħataw ukoll preżentazzjoni dwar il-pjanijiet u l-iżviluppi fis-settur tal-enerġija minn rappreżentanti ta’ entitajiet ewlenin.

Ritratti

The post L-MCESD jindirizza s-sigurtà u l-istabbiltà tal-enerġija fid-dawl tal-isfidi globali appeared first on MCESD.