{"id":8227,"date":"2025-07-17T10:49:15","date_gmt":"2025-07-17T08:49:15","guid":{"rendered":"https:\/\/mcesd.org.mt\/?p=8227"},"modified":"2025-07-18T13:06:26","modified_gmt":"2025-07-18T11:06:26","slug":"l-ewtanasja-volontarja-assistita-diskussa-fl-mcesd","status":"publish","type":"post","link":"https:\/\/mcesd.org.mt\/mt\/l-ewtanasja-volontarja-assistita-diskussa-fl-mcesd\/","title":{"rendered":"Id-Diskussjonijiet tal-Ewtanasja Volontarja Assistita fl-MCESD"},"content":{"rendered":"
\n

Il-Kunsill tal-MCESD \u0127ass il-\u0127tie\u0121a li s-su\u0121\u0121ett tal-Ewtanasja Volontarja Assistita ji\u0121i indirizzat b\u2019mod serju, miftu\u0127 u rispettat fil-qafas tad-djalogu so\u010bjali. Din id-diskussjoni saret fil-pre\u017cenza tas-Segretarju Parlamentari g\u0127ad-Djalogu So\u010bjali, l-Onor. Andy Ellul, u s-Segretarju Parlamentari g\u0127all-Ugwaljanza u r-Riformi, Rebecca Buttigieg, flimkien mal-Imsie\u0127ba So\u010bjali.<\/span><\/p>\n<\/div>\n

I\u010b-Chairperson tal-MCESD, il-Perit David Xuereb, sa\u0127aq li f\u2019din il-laqg\u0127a tal-Kunsill tal-MCESD \u0121ie indirizzat is-su\u0121\u0121ett sensittiv tal-ewtanasja volontarja assisita fil-pre\u017cenza tal-kumitat li \u0127adem fuq il-White Paper. Id-diskussjoni offriet spazju lill-imsie\u0127ba biex jesprimu l-po\u017cizzjonijiet tag\u0127hom dwar kif dan is-su\u0121\u0121ett jolqot lin-nies u lis-setturi li jirrappre\u017centaw, kif ukoll biex jipproponu tibdil jew titjib fil-proposti. Il-kontributi tag\u0127hom kienu ta\u2019 valur g\u0127al dawk involuti fil-pro\u010bess ta\u2019 tfassil tal-politiki u li\u0121ijiet.<\/div>\n
<\/div>\n
Is-Segretarju Parlamentari Andy Ellul fa\u0127\u0127ar id-diskussjoni produttiva li se\u0127\u0127et fl-MCESD u nnota l-attivi\u017cmu tal-imsie\u0127ba so\u010bjali u d-djalogu kostruttiv li tqajjem. Qal li l-Gvern f\u2019dan kollu g\u0127andu rwol kru\u010bjali, dak li jqajjem diskussjoni dwar su\u0121\u0121etti sensittivi b\u0127al dawn u li jaffettwaw direttament \u0127ajjet in-nies, u li wie\u0127ed jista\u2019 jaqbel jew ma jaqbilx mag\u0127hom, i\u017cda li huma importanti li ji\u0121u diskussi. Dr Ellul irrefera g\u0127all-importanza tal-MCESD fejn qal li d-djalogu fi \u0127dan l-MCESD hu imperattiv li jibqa\u2019 b\u2019sa\u0127\u0127tu sabiex b\u2019mod konkret jibqa\u2019 jsir aktar \u0121id fis-so\u010bjet\u00e0 tag\u0127na.<\/div>\n
<\/div>\n
Matul il-pre\u017centazzjoni tag\u0127ha, is-Segretarju Parlamentari Rebecca Buttigieg sa\u0127qet li din il-konsultazzjoni qanqlet diskussjoni serja u importanti fil-pajji\u017c, li wasslet sabiex in\u0121abru eluf ta\u2019 sottomissjonijiet dwar dan is-su\u0121\u0121ett. Hija stqarret kif dan il-pro\u010bess wassal ukoll biex ji\u0121u indirizzati temi relatati, fosthom il-kura paljattiva. Filwaqt li l-Gvern kien di\u0121\u00e0 qed jinvesti b\u2019mod sinifikanti f\u2019dan il-qasam, din il-konsultazzjoni g\u0127enet sabiex titqanqal iktar kuxjenza dwar dan is-servizz, inklu\u017c billi t\u0127e\u0121\u0121e\u0121 aktar professjonisti sabiex joffru s-servizz tag\u0127hom f\u2019dan il-qasam tant delikat u sensittiv.<\/div>\n
<\/div>\n
L-imsie\u0127ba so\u010bjali \u0127adu sehem b\u2019mod attiv u kostruttiv fid-diskussjoni bi preparament ta ricerka professjonali ukoll. Il-perspettivi tag\u0127hom kienu varjati u sinifikanti, u jirriflettu firxa wiesg\u0127a ta\u2019 opinjonijiet, esperjenzi u valuri li jirrappre\u017centaw b\u2019mod \u0121enwin is-setturi differenti tas-so\u010bjet\u00e0 Maltija. Fost il-kummenti tag\u0127hom, diversi imsie\u0127ba tkellmu wkoll fuq il-\u0127idma tas-settur tas-sa\u0127\u0127a, u enfasizzaw l-importanza li s-servizzi b\u0127alma huma tal-kura paljattiva jibqg\u0127u ji\u0121u msa\u0127\u0127a u appo\u0121\u0121jati b\u0127ala parti mill-appro\u010b\u010b \u0121enerali lejn il-kura tal-pazjent.<\/div>\n
\n

Din id-diskussjoni serviet b\u0127ala mudell ta\u2019 kif il-MCESD jista\u2019 jiffa\u010bilita djalogu socjali fuq su\u0121\u0121etti ta\u2019 pi\u017c ssensittiv u etiku, u enfasizzat ir-rwol kru\u010bjali tal-imsie\u0127ba so\u010bjali b\u0127ala vu\u010bi plurali, responsabbli u impenjata fil-pro\u010bess ta\u2019 tfassil tal-politika\u00a0pubblika.<\/p>\n<\/div>\n