{"id":8209,"date":"2025-07-09T12:31:33","date_gmt":"2025-07-09T10:31:33","guid":{"rendered":"https:\/\/mcesd.org.mt\/?p=8209"},"modified":"2025-07-18T13:06:51","modified_gmt":"2025-07-18T11:06:51","slug":"l-mcesd-jiddiskuti-r-rapport-ta-malta-ghas-semestru-ewropew-2025","status":"publish","type":"post","link":"https:\/\/mcesd.org.mt\/mt\/l-mcesd-jiddiskuti-r-rapport-ta-malta-ghas-semestru-ewropew-2025\/","title":{"rendered":"L-MCESD Jiddiskuti r-Rapport ta\u2019 Malta g\u0127as-Semestru Ewropew 2025"},"content":{"rendered":"

Waqt laqg\u0127a tal-MCESD, rappre\u017centanti mill-Kummissjoni Ewropea ppre\u017centaw il-konklu\u017cjonijiet ewlenin tar-Rapport g\u0127al Malta g\u0127as-Semestru Ewropew 2025, bil-Ministru g\u0127all-Finanzi Clyde Caruana pre\u017centi.<\/p>\n

Il-rapport juri ekonomija Maltija b\u2019sa\u0127\u0127itha u dinamika i\u017cda jindika wkoll oqsma fejn hemm b\u017conn ta\u2019 titjib, b\u0127al investiment aktar robust fir-ri\u010berka u l-innovazzjoni, promozzjoni ta\u2019 ener\u0121ija rinnovabbli, u indirizzar ta\u2019 sfidi infrastrutturali u tat-traffiku.<\/p>\n

Il-Kummissjoni Ewropea enfasizzat l-importanza li Malta tie\u0127u r-ri\u010berka u l-innovazzjoni b\u2019iktar serjet\u00e0 u li t\u0127ejji talent motivat u kwalifikat biex jipparte\u010bipa f\u2019dan il-qasam. Barra minn hekk, il-Kummissjoni rrakkomandat titjib fl-edukazzjoni u t-ta\u0127ri\u0121, tnaqqis fl-emissjonijiet mit-trasport, u indirizzar tal-kon\u0121estjoni tat-traffiku.<\/p>\n

Il-Ministru Caruana qal li r-rapport tal-Kummissjoni Ewropea huwa xhieda \u010bara tal-\u0127idma ta\u2019 Malta g\u0127al ekonomija aktar b’sa\u0127\u0127itha. \u201cDan mhuwiex biss mument ta\u2019 sodisfazzjon i\u017cda ta\u2019 motivazzjoni. Irridu nibqg\u0127u na\u0127dmu flimkien biex inkomplu ninvestu f\u2019oqsma kru\u010bjali b\u0127ar-ri\u010berka, l-innovazzjoni u t-ta\u0127ri\u0121, u no\u0127olqu ekonomija sostenibbli u inklussiva g\u0127al kul\u0127add,\u201d qal il-Ministru.<\/p>\n

L-Imsie\u0127ba So\u010bjali pparte\u010bipaw b\u2019mod attiv u offrew rakkomandazzjonijiet siewja dwar dawn il-punti. Huma enfasizzaw il-b\u017conn ta\u2019 infrastruttura a\u0121\u0121ornata li tmur id f\u2019id mat-tkabbir ekonomiku, u l-investiment fl-edukazzjoni biex jissa\u0127\u0127u l-\u0127sieb kreattiv u kritiku, me\u0127tie\u0121a g\u0127all-innovazzjoni, partikolarment fid-dawl tal-Vi\u017cjoni 2050.<\/p>\n

\u0120ie rrimarkat ukoll li l-\u0127addiema barranin g\u0127andhom ikunu adegwati u kwalifikati, spe\u010bjalment fis-settur tas-sa\u0127\u0127a, u li je\u0127tie\u0121 titjieb l-effi\u010bjenza tax-xog\u0127ol filwaqt li ji\u0121u indirizzati sfidi demografi\u010bi. Intqal ukoll li l-politika tal-ETS m\u2019g\u0127andhiex to\u0127loq riskji g\u0127all-impjiegi f\u2019Malta, u li G\u0127awdex g\u0127andu jsa\u0127\u0127a\u0127 il-kontribut tieg\u0127u fl-ekonomija permezz ta\u2019 aktar diversifikazzjoni, b\u2019aktar attenzjoni g\u0127all-kwistjoni tar-regjonalit\u00e0.<\/p>\n

L-interventi tal-imsie\u0127ba ttrattaw ukoll is-sigurt\u00e0 \u010bibernetika u d-difi\u017ca, u l-implimentazzjoni ta\u2019 skills passport ming\u0127ajr dewmien. Minn na\u0127a tieg\u0127u, i\u010b-Chairperson tal-MCESD l-Perit David Xuereb, qal li dan ir-rapport jg\u0127in biex Malta timxi paripassu ma\u2019 pajji\u017ci o\u0127ra fl-avvanzi di\u0121itali u \u0127odor. Sa\u0127aq fuq il-b\u017conn li r-ri\u010berka u l-innovazzjoni jkunu prijorit\u00e0 nazzjonali u li n\u0127ejju lit-tfal biex ikunu parti minn din it-trasformazzjoni.<\/p>\n