{"id":6454,"date":"2024-07-15T10:55:19","date_gmt":"2024-07-15T08:55:19","guid":{"rendered":"https:\/\/mcesd.org.mt\/?p=6454"},"modified":"2024-07-15T10:55:19","modified_gmt":"2024-07-15T08:55:19","slug":"l-mcesd-jistieden-lill-membri-parlamentari-ewropej-eletti-maltin-biex-isahhu-l-kollaborazzjoni-nazzjonali-permezz-tad-djalogu-socjali","status":"publish","type":"post","link":"https:\/\/mcesd.org.mt\/mt\/l-mcesd-jistieden-lill-membri-parlamentari-ewropej-eletti-maltin-biex-isahhu-l-kollaborazzjoni-nazzjonali-permezz-tad-djalogu-socjali\/","title":{"rendered":"L-MCESD Jistieden lill-Membri Parlamentari Ewropej eletti Maltin biex Isa\u0127\u0127u l-Kollaborazzjoni Nazzjonali permezz tad-Djalogu So\u010bjali"},"content":{"rendered":"

Il-Kunsill tal-MCESD stieden lill-Membri Parlamentari Ewropej (MPE) eletti Maltin kollha biex ikollhom l-opportunit\u00e0 li jiddiskutu l-isfidi so\u010bjali, ekonomi\u010bi, u ambjentali li pajji\u017cna g\u0127andu jiffoka fuqhom f\u2019dan it-terminu tal-Parlament Ewropew flimkien mal-Imsie\u0127ba So\u010bjali tal-MCESD.<\/p>\n

Pre\u017centi g\u0127al din il-laqg\u0127a kien hemm il-Ministru g\u0127all-Finanzi, l-Onor. Clyde Caruana, is-Segretarju Parlamentari g\u0127ad-Djalogu So\u010bjali, l-Onor. Andy Ellul, il-Membri Parlamentari Eletti, Daniel Attard u Peter Agius.<\/p>\n

Pre\u017centi g\u0127al din il-laqg\u0127a kien hemm il-Ministru g\u0127all-Finanzi, l-Onor. Clyde Caruana, is-Segretarju Parlamentari g\u0127ad-Djalogu So\u010bjali, l-Onor. Andy Ellul, u l-MEPs-eletti, Daniel Attard u Peter Agius. I\u010b-Chairperson tal-MCESD, il-Perit David Xuereb, mexxa l-laqg\u0127a, u enfasizza l-importanza li l-imsie\u0127ba so\u010bjali tal-MCESD isegwu mill-qrib, jappo\u0121\u0121jaw u jag\u0127tu prijorit\u00e0 lill-\u0127idma tal-MPE Maltin. Sa\u0127aq kif permezz ta\u2019 din il-kollaborazzjoni nistg\u0127u nsa\u0127\u0127u l-isforzi tag\u0127na g\u0127all-\u0121id ta\u2019 pajji\u017cna, biex niksbu ri\u017cultati konkreti u po\u017cittivi permezz ta\u2019 kollaborazzjoni proattiva tal-partijiet kollha. \u201cDin il-kollaborazzjoni hija kru\u010bjali biex ni\u017cguraw li l-vu\u010bi ta\u2019 Malta tinstema\u2019 b\u2019mod effettiv fil-Parlament Ewropew, u li nistg\u0127u nindirizzaw l-isfidi u l-ambizzjonijiet nazzjonali tag\u0127na b\u2019mod mag\u0127qud,\u201d<\/em> qal il-Perit David Xuereb.<\/p>\n

Fil-kummenti tag\u0127hom, il-MPE eletti pre\u017centi g\u0127al-laqg\u0127a spjegaw li li b\u0127alissa qed ji\u0121u ffurmati l-kumitati Parlamentari u li qed ji\u0121u stabbiliti l-kumitati li fihom se jkunu qed jie\u0127du sehem il-membri eletti. Sa\u0127qu li huwa essenzjali li l-MCESD tkun infurmata bil-le\u0121i\u017clazzjoni ta\u2019 prijorit\u00e0 tal-UE sabiex il-Kunsill ikun jista\u2019 jinkludihom fid-diskussjonijiet tieg\u0127u u jipprovdi rakkomandazzjonijiet kwalitattivi fi \u017cmien xieraq. Huma enfasizzaw l-importanza tal-MCESD b\u0127ala pjattaforma kru\u010bjali biex ji\u0121u diskussi u indirizzati kwistjonijiet so\u010bjali u ekonomi\u010bi b\u2019mod koordinat u effettiv.<\/p>\n

Is-Segretarju Parlamentari Ellul \u0127e\u0121\u0121e\u0121 lill-Membri Parlamentari Ewropej biex ikunu proattivi f’dan id-djalogu u biex iwasslu l-vu\u010bi ta’ pajji\u017cna, b\u0127ala l-i\u017cg\u0127ar stat membru tal-Unjoni Ewropea. B’dan ji\u017cgura li l-interessi ta’ pajji\u017cna jkunu rappre\u017centati b’mod effettiv f’din l-istituzzjoni tal-Unjoni Ewropea.\u201cId-djalogu bejn il-Membri Parlamentari Ewropej u l-imsie\u0127ba so\u010bjali huwa importanti biex jittie\u0127du de\u010bi\u017cjonijiet fil-Parlament Ewropew favur il-\u0121id tal-poplu Malti u G\u0127awdxi”<\/em>, sa\u0127aq l-Onor. Ellul.<\/p>\n

Huwa sostna li din il-kollaborazzjoni g\u0127andha twassal g\u0127al soluzzjonijiet innovattivi u sostenibbli, li mhux biss jindirizzaw l-isfidi pre\u017centi, i\u017cda jo\u0127olqu opportunitajiet \u0121odda g\u0127all-futur. \u201cB’kollaborazzjoni msa\u0127\u0127a nistg\u0127u n\u0121ibu politika li tassew tag\u0127mel differenza u li tibbenefika li\u010b-\u010bittadini kollha,”<\/em> temm jg\u0127id is-Segretarju Parlamentari Ellul.<\/p>\n

Fit-tieni parti tal-laqg\u0127a tal-MCESD, ir-Rappre\u017centanza tal-Kummissjoni Ewropea f\u2019Malta ddiskutiet ir-Rapport tal-Pajji\u017c g\u0127al Malta g\u0127as-Semestru Ewropew 2024 mal-membri tal-Kunsill fl-MCESD. L-imsie\u0127ba so\u010bjali pparte\u010bipaw b’mod attiv f’diskussjoni stimulanti, offrew rakkomandazzjonijiet u appo\u0121\u0121 siewi biex jindirizzaw konsiderazzjonijiet u rakkomandazzjonijiet imqajma mir-rappre\u017centanza tal-Kummissjoni Ewropea f’Malta.<\/p>\n

B\u0127ala rappre\u017centanti tal-Gvern, l-Onor. Clyde Caruana, Ministru g\u0127all-Finanzi, u l-Onor. Andy Ellul, is-Segretarju Parlamentari g\u0127ad-Djalogu So\u010bjali, qasmu l-perspettivi tag\u0127hom dwar dan ir-rapport importanti u ddeskriva azzjoni mill-Gvern.<\/p>\n

L-MCESD tenna l-impenn tieg\u0127u li jid\u0127ol f\u2019diskussjonijiet nazzjonali u fil-livell tal-UE dwar kwistjonijiet ta\u2019 interess nazzjonali, filwaqt li enfasizza s-sa\u0127\u0127a u l-importanza ta\u2019 djalogu so\u010bjali proattiv li jipprovdi valur u impatt.<\/p>\n