{"id":6187,"date":"2024-05-07T11:25:34","date_gmt":"2024-05-07T09:25:34","guid":{"rendered":"https:\/\/mcesd.org.mt\/?p=6187"},"modified":"2024-05-16T13:44:47","modified_gmt":"2024-05-16T11:44:47","slug":"ghawdex-fil-qalba-tad-diskussjonijiet-tal-mcesd-proposti-strategici-mill-imsiehba-socjali-u-l-grc","status":"publish","type":"post","link":"https:\/\/mcesd.org.mt\/mt\/ghawdex-fil-qalba-tad-diskussjonijiet-tal-mcesd-proposti-strategici-mill-imsiehba-socjali-u-l-grc\/","title":{"rendered":"G\u0127awdex fil-Qalba tad-Diskussjonijiet tal-MCESD: Proposti Strate\u0121i\u010bi mill-Imsie\u0127ba So\u010bjali u l-GRC."},"content":{"rendered":"

F’laqg\u0127a tal-kunsill tal-MCESD imsej\u0127a mill-Kumitat Re\u0121jonali G\u0127awdex (GRC), l-imsie\u0127ba so\u010bjali tal-MCESD flimkien ma’ membri tal-GRC iddiskutew u ssu\u0121\u0121erew strate\u0121iji g\u0127all-futur ta\u2019 G\u0127awdex li jibbilan\u010bja t-tkabbir so\u010bjoekonomiku mal-konservazzjoni ambjentali.<\/p>\n

Waqt din il-laqg\u0127a, immexxija mal-chairperson tal-MCESD il-Perit David Xuereb, attendew u pparte\u010bipaw il-Ministru g\u0127al G\u0127awdex u l-Ippjanar, l-Onor. Clint Camilleri, kif ukoll is-Segretarju Parlamentari g\u0127ad-Djalogu So\u010bjali, l-Onor. Andy Ellul.<\/p>\n

Fl-introduzzjoni tieg\u0127u, is-Sur Joe Borg, i\u010b-chairperson tal-GRC, spjega l-importanza ta\u2019 din il-laqg\u0127a biex ji\u0121i indirizzat il-progress me\u0127tie\u0121 biex G\u0127awdex isir post a\u0127jar g\u0127ar-residenti tieg\u0127u. Huwa stqarr li, “G\u0127awdex g\u0127andu jkun tabil\u0127aqq xempju ta’ \u017cvilupp \u0121did u sostenibbli, li jag\u0127milha dar a\u0127jar g\u0127alina, b\u0127alma g\u0127andu jkun g\u0127al Malta.”<\/em> Is-Sur Borg irringrazzja lill-imsie\u0127ba so\u010bjali kollha g\u0127all-parte\u010bipazzjoni tag\u0127hom, u stqarr li, ” l-attendenza tag\u0127kom ifisser interess \u0121enwin biex intejbu l-ambjent tag\u0127na.”<\/em><\/p>\n

Fi pre\u017centazzjoni, is-Sur Daniel Borg, u l-Professur Alex Torpiano, li jirrappre\u017centaw lill-GRC, tkellmu fuq numru ta\u2019 inizjattivi g\u0127all-i\u017cvilupp sostenibbli ta\u2019 G\u0127awdex. Huma enfasizzaw l-importanza li d-disinn arkitettoniku jippreserva t-topografija, il-materjali, u l-estetika tal-ibliet u l-ir\u0127ula G\u0127awdxin, u li ji\u0121u protetti l-karatteristi\u010bi arkitettoni\u010bi ewlenin biex jittejjeb l-impatt vi\u017civ.<\/p>\n

Il-Prof. Torpiano ddiskuta wkoll il-fatturi ambjentali, stori\u010bi u so\u010bjali ta\u2019 G\u0127awdex filwaqt li identifika sfidi b\u0127al \u017cvilupp mhux ikkontrollat. Huwa enfasizza l-\u0127tie\u0121a g\u0127al politiki ta\u2019 ppjanar iktar robusti biex jipprote\u0121u l-bajjiet u \u010b-\u010bentri urbani filwaqt li sostna g\u0127al inizjattivi aktar b\u2019sa\u0127\u0127ithom dwar it-tibdil fil-klima, inklu\u017ci sforzi akbar g\u0127all-bijodiversit\u00e0 u l-adozzjoni ta\u2019 prattiki sostenibbli b\u0127all-\u0121onna fuq il-bjut.<\/p>\n

Matul il-laqg\u0127a, l-imsie\u0127ba so\u010bjali tal-MCESD g\u0127amlu su\u0121\u0121erimenti strate\u0121i\u010bi g\u0127all-progress ekonomiku u so\u010bjali ta’ G\u0127awdex. Il-proposti inkludew pro\u0121etti ambjentalment sostenibbli u innovattivi, b’u\u017cu tat-teknolo\u0121ija biex jil\u0127qu l-istatus ta’ carbon-neutral u jistabbilixxu lil G\u0127awdex b\u0127ala mudell ta’ e\u017cempju fit-teknolo\u0121ija sostenibbli.<\/p>\n

L-imsie\u0127ba enfasizzaw l-i\u017cvilupp tal-agrituri\u017cmu f’G\u0127awdex li jservi b\u0127ala mezz ie\u0127or g\u0127at-tis\u0127i\u0127 tal-ekonomija u biex il-vi\u017citaturi jkunu jistg\u0127u jesperjenzaw u japprezzaw iktar il-wirt agrikolu u l-kwalit\u00e0 li joffri G\u0127awdex. Barra minn hekk, sa\u0127qu fuq il-\u0127tie\u0121a li l-prodott turitsiku f\u2019G\u0127awdex g\u0127andu jkun iktar sostenibbli u ta\u2019 strate\u0121ija b\u2019sa\u0127\u0127itha biex tipprote\u0121i s-siti stori\u010bi imprezzabbli u li ti\u017cgura li l-wirt kulturali ta\u2019 G\u0127awdex ji\u0121i ppreservat g\u0127all-\u0121enerazzjonijiet futuri. L-imsie\u0127ba so\u010bjali kienu favur pjan strate\u0121iku nazzjonali komprensiv kemm g\u0127al Malta kif ukoll g\u0127al G\u0127awdex, li jindirizza oqsma ewlenin g\u0127all-benefi\u010b\u010bju ta\u017c-\u017cew\u0121 g\u017cejjer.<\/p>\n

Il-Ministru Camilleri spjega li l-g\u0127an prin\u010bipali tal-Ministeru huwa li jassigura l-prosperit\u00e0 ekonomika u so\u010bjali f’G\u0127awdex, filwaqt li jirrispetta l-karatteristi\u010bi uni\u010bi tal-g\u017cira G\u0127awdxija u ja\u0127dem biex il-G\u017cejjer Maltin ikunu l-post li n-nies jag\u0127\u017clu li jg\u0127ixu fihom. Is-Segretarju Parlamentari Andy Ellul enfasizza l-importanza li l-Gvern ikompli jiddjaloga mal-imsie\u0127ba so\u010bjali g\u0127all-benefi\u010b\u010bju ta’ G\u0127awdex. Huwa tenna l-irwol importanti tal-MCESD li jiltaqa’ mal-imsie\u0127ba so\u010bjali f’G\u0127awdex biex ji\u017cguraw progress kontinwu fl-oqsma kru\u010bjali tas-sostenibbilt\u00e0.<\/p>\n

Din il-laqg\u0127a serviet b\u0127ala opportunit\u00e0 g\u0127all-imsie\u0127ba so\u010bjali biex jiddiskutu l-istrate\u0121iji tag\u0127hom g\u0127all-progress ta\u2019 G\u0127awdex, filwaqt li enfasizzaw l-importanza ta\u2019 appro\u010b\u010b \u0127olistiku li jkun ta\u2019 benefi\u010b\u010bju kemm g\u0127al G\u0127awdex kif ukoll g\u0127al Malta. L-impenn li ji\u0121i \u017cgurat li l-i\u017cvilupp ta\u2019 G\u0127awdex jibqa\u2019 sostenibbli u jippreserva l-identit\u00e0 unika tal-g\u017cira kien imtenni mill-parte\u010bipanti kollha waqt din il-laqg\u0127a tal-MCESD.<\/p>\n