{"id":5910,"date":"2024-02-07T11:38:41","date_gmt":"2024-02-07T10:38:41","guid":{"rendered":"https:\/\/mcesd.org.mt\/?p=5910"},"modified":"2024-02-07T11:52:56","modified_gmt":"2024-02-07T10:52:56","slug":"l-imsiehba-socjali-jiddiskutu-r-rapport-tal-mhra-dwar-kemm-jifilhu-turisti-l-gzejjer-maltin-waqt-il-laqgha-tal-mcesd","status":"publish","type":"post","link":"https:\/\/mcesd.org.mt\/mt\/l-imsiehba-socjali-jiddiskutu-r-rapport-tal-mhra-dwar-kemm-jifilhu-turisti-l-gzejjer-maltin-waqt-il-laqgha-tal-mcesd\/","title":{"rendered":"L-Imsie\u0127ba So\u010bjali Jiddiskutu r-Rapport tal-MHRA Dwar Kemm Jifil\u0127u Turisti l-G\u017cejjer Maltin waqt il-Laqg\u0127a tal-MCESD."},"content":{"rendered":"

Waqt ir-raba\u2019 laqg\u0127a tal-MCESD g\u0127al din is-sena, id-diskussjonijiet iffukaw fuq ir-rapport dettaljat li g\u0127amlet l-Asso\u010bjazzjoni Maltija g\u0127al-Lukandi u r-Ristoranti, l-MHRA<\/a>, dwar kemm jifil\u0127u turisti l-g\u017cejjer Maltin. Liema rapport, li hu mag\u0127ruf a\u0127jar b\u0127ala l-\u2018Carrying Capacity Report for Tourism in the Maltese Islands<\/em>\u2019, iffoka fuq it-turi\u017cmu u l-infrastruttura asso\u010bjata. L-imsie\u0127ba so\u010bjali pprovdew reazzjonijiet sinifikanti g\u0127all-kapa\u010bit\u00e0 potenzjali tat-turi\u017cmu f\u2019Malta, kif spjegat fir-rapport ikkummissjonat mill-MHRA u m\u0127ejji minn Deloitte Malta. Il-pre\u017centazzjoni saret quddiem il-Kunsill kollu tal-MCESD, fil-pre\u017cenza tal-Ministru g\u0127at-Turi\u017cmu, l-Onor. Clayton Bartolou tas-Segretarju Parlamentari g\u0127ad-Djalogu So\u010bjali, l-Onor. Andy Ellul.<\/p>\n

Il-President tal-MHRA, is-Sur Tony Zahra, introdu\u010ba s-su\u0121\u0121ett, fejn enfasizza l-irwol sinifikanti tal-industrija tat-turi\u017cmu f\u2019Malta. Huwa enfasizza li r-rapport jindika li Malta jkollha b\u017conn tattira 4.7 miljun turist biex takkomoda \u017c-\u017cieda ppjanata fl-akkomodazzjonijiet fil-lukandi. Is-Sur Zahra sa\u0127aq li huwa previst li fl-2024 ikun hawn \u017cieda ta\u2019 2.5% fit-turisti li j\u017curu Malta meta mqabbel mal-2019.<\/p>\n

Waqt il-pre\u017centazzjoni ta’ Deloitte Malta<\/a> mis-Sur Michael Zarb, \u0121ie espress it-t\u0127assib dwar il-kapa\u010bit\u00e0 jekk Malta tifla\u0127x g\u0127al numru akbar ta’ turisti, partikolarment f’\u017coni popolari b\u0127al bajjiet, siti stori\u010bi, u \u010bentri urbani. Ir-rapport tkellem dwar il-prijorit\u00e0 li ji\u0121i mmani\u0121jat u kkontrollat iktar it-turi\u017cmu f\u2019dawn i\u017c-\u017coni li huma meqjusa b\u0127ala popolari mat-turist. Dan g\u0127andu jsir ukoll bil-g\u0127an li l-kwalit\u00e0 tal-\u0127ajja tar-residenti titjieb.<\/p>\n

Fir-rapport issemma\u2019 wkoll it-t\u0127assib dwar il-kapa\u010bit\u00e0 tal-infrastruttura ta’ Malta, spe\u010bjalment tas-sistema tad-drena\u0121\u0121 li hija ta\u2019 sfida f’\u017coni turisti\u010bi ewlenin. \u0120ie osservat li \u017c-\u017cieda fil-volum tat-turisti f\u2019Malta \u0127alla impatt pjuttost negattiv fuq l-esperjenza li t-turist ikollu f\u2019pajji\u017cna, kif ukoll fuq il-kwalit\u00e0 tal-\u0127ajja tar-resident. Sfidi addizzjonali jinkludu impatti ambjentali u nuqqas ta’ \u0127addiema. Ir-rakkomandazzjonijiet jiffokaw fuq l-g\u0127a\u017cliet disponibbli g\u0127all-Gvern biex jikseb tkabbir turistiku sostenibbli.<\/p>\n

L-imsie\u0127ba so\u010bjali rringrazzjaw lill-MHRA talli kkummissjonat dan l-istudju, u sa\u0127qu fuq il-\u0127tie\u0121a ta\u2019 ppjanar b\u2019sa\u0127\u0127tu u strate\u0121iku biex jissa\u0127\u0127a\u0127 it-turi\u017cmu fid-dawl li l-kompetizzjoni hija wa\u0127da kbira. Huma approvaw inizjattivi u pro\u0121etti mmirati biex jissa\u0127\u0127u l-b\u017connijiet ta’ Malta filwaqt li ji\u0121u indirizzati t-t\u0127assib tar-residenti u tan-nuqqas ta\u2019 \u0127addiema lokali. Filwaqt li sa\u0127qu fuq l-importanza li ti\u0121i ppreservata l-kwalit\u00e0 tal-\u0127ajja g\u0127ar-residenti Maltin u G\u0127awdxin, huma \u0127e\u0121\u0121ew anali\u017ci komprensiva u ppjanar strate\u0121iku f\u2019oqsma ewlenin fosthom is-suq tax-xog\u0127ol, il-bejg\u0127, l-i\u017cvilupp, u t-trasport. L-imsie\u0127ba so\u010bjali sa\u0127qu wkoll dwar iktar investimenti biex ji\u017cdied l-a\u010b\u010bessibilit\u00e0 f\u2019\u017coni li mhumiex daqstant frekwentati, spe\u010bjalment fejn jid\u0127lu bajjiet. L-iskart ukoll kien topiku fil-kummenti tal-imsie\u0127ba so\u010bjali.<\/p>\n

Il-Ministru Clayton Bartolo laqa\u2019 r-reazzjoijiet tal-imsie\u0127ba so\u010bjali u sa\u0127aq fuq l-importanza li jkun hemm bilan\u010b bejn il-kwalit\u00e0 u l-kwantit\u00e0 fit-turi\u017cmu. Huwa tkellem dwar il-pjan tal-gvern g\u0127all-konnettivit\u00e0 bl-ajru a\u0127jar g\u0127al pajji\u017cna, u ji\u0121u attiriati swieq \u0121odda b\u0127as-suq Amerikan u postijiet li g\u0127andhom profil ta\u2019 infiq g\u0127oli fl-Ewropa u l-Asja. Madankollu, il-Ministru enfasizza li l-Gvern m\u2019g\u0127andu l-ebda pjan li jattira volumi turisti\u010bi ta\u2019 4.7 miljun kif pro\u0121ettat fir-rapport, u \u0127e\u0121\u0121e\u0121 lill-lukandiera biex jinvestu b\u2019mod intelli\u0121enti min\u0127abba li l-kompetizzjoni hija wa\u0127da kbira u ta\u2019 sfida.<\/p>\n

Is-Segretarju Parlamentari g\u0127ad-Djalogu So\u010bjali, l-Onor. Andy Ellul spjega kif id-diskussjonijiet waqt din il-laqg\u0127a tal-Kunsill tal-MCESD kienu ferm inkora\u0121\u0121anti, fejn ir-rapport tal-MHRA tefa\u2019 dawl fuq l-isfidi li l-industrija tat-turi\u017cmu g\u0127andha f\u2019Malta. L-Onor. Ellul sa\u0127aq li huwa ta\u2019 importanza kbira li jkun hemm bilan\u010b bejn it-tkabbir turistiku u s-sostenibbilt\u00e0, filwaqt li jittie\u0127du f\u2019kunsiderazzjoni l-kummenti u r-rakkomandazzjonijiet tal-imsie\u0127ba so\u010bjali u li l-kwalit\u00e0 tal-\u0127ajja tar-residenti tibqa\u2019 tkun ta\u2019 prijorit\u00e0.<\/p>\n

Waqt it-tieni parti tal-laqg\u0127a, Koperattivi Malta<\/a> \u0121ew mistiedna fil-Kunsill tal-MCESD biex jippre\u017centaw il-kontribut g\u0127all-i\u017cvilupp so\u010bjoekonomiku ta\u2019 Malta. Il-Kap E\u017cekuttiv ta\u2019 Kooperativi Malta, is-Sur Daniel Schembri, enfasizza l-irwol importanti tal-kooperattivi f\u2019diversi oqsma li jsostnu \u0127afna intrapri\u017ci so\u010bjali u ekonomi\u010bi u li jikkontribwixxu g\u0127all-\u0121id so\u010bjoekonomiku tal-pajji\u017c. L-imsie\u0127ba so\u010bjali irrea\u0121ixxew b\u2019mod po\u017cittiv g\u0127all-isforzi ta\u2019 Koperattivi Malta u apprezzaw l-importanza tal-kollaborazzjoni fuq numru ta\u2019 inizjattivi.<\/p>\n