{"id":5731,"date":"2024-01-23T17:01:58","date_gmt":"2024-01-23T16:01:58","guid":{"rendered":"https:\/\/mcesd.org.mt\/?p=5731"},"modified":"2024-01-23T17:09:59","modified_gmt":"2024-01-23T16:09:59","slug":"il-kunsill-tal-mcesd-jindirizza-l-permessi-ta-haddiema-barranin-ta-kwalita-ligi-dwar-l-impjiegi-agenziji-tat-temping-u-public-private-partnerships","status":"publish","type":"post","link":"https:\/\/mcesd.org.mt\/mt\/il-kunsill-tal-mcesd-jindirizza-l-permessi-ta-haddiema-barranin-ta-kwalita-ligi-dwar-l-impjiegi-agenziji-tat-temping-u-public-private-partnerships\/","title":{"rendered":"Il-Kunsill tal-MCESD jindirizza l-permessi ta\u2019 \u0126addiema Barranin ta\u2019 Kwalit\u00e0, Li\u0121i dwar l-Impjiegi, A\u0121enziji tat-Temping, u Public-Private Partnerships"},"content":{"rendered":"

Matul it-tieni laqg\u0127a tal-Kunsill tal-MCESD g\u0127al din is-sena, l-imsie\u0127ba so\u010bjali pprovdew ir-reazzjonijiet u r-rakkomandazzjonijiet tag\u0127hom dwar l-a\u0121enda diskussa li kienet wa\u0127da ta\u2019 prijorit\u00e0. Is-Segretarju Parlamentari Andy Ellul stqarr, \u201cDin il-laqg\u0127a tirrappre\u017centa l-og\u0127la livell ta\u2019 Djalogu So\u010bjali u koordinazzjoni kontinwa bejn l-imsie\u0127ba so\u010bjali u l-gvern, li trawwem ambjent li jwassal g\u0127as-simplifikazzjoni tal-pro\u010bessi fi \u0127dan il-qasam dinamiku tas-settur tax-xog\u0127ol.\u201d<\/em><\/p>\n

L-ewwel parti tal-laqg\u0127a ffukat fuq il-pro\u010bess a\u0121\u0121ornat tal-inga\u0121\u0121 ta\u2019 \u0127addiema barranin minn barra l-Ewropa, sabiex ji\u0121i \u017cgurat li l-kwalit\u00e0 u l-\u0127iliet tag\u0127hom, jirriflettu g\u0127all-\u0127tie\u0121a ta\u2019 pajji\u017cna. Biex tg\u0127arraf lill-imsie\u0127ba so\u010bjali dwar din il-\u0127tie\u0121a nazzjonali, l-MCESD laqa\u2019 lill-Kurunell Mark Mallia, il-Kap E\u017cekuttiv tal-A\u0121enzija Identit\u00e1<\/a>, flimkien mal-Onor. Byron Camilleri, il-Ministru g\u0127all-Intern, Sigurt\u00e0, Riformi, u Ugwaljanza, l-Onor. Andy Ellul, is-Segretarju Parlamentari g\u0127ad-Djalogu So\u010bjali u s-Sinjura Diane Vella Muscat, id-Direttur \u0120enerali tad-Dipartiment g\u0127ar-Relazzjonijiet Industrijali u tal-Impjieg (DIER)<\/a>.<\/p>\n

L-g\u0127an kien li l-imsie\u0127ba so\u010bjali ji\u0121u infurmati u a\u0121\u0121ornati dwar il-pro\u010beduri m\u0121edda u rigoru\u017ci qabel ma ji\u0121u a\u010b\u010bettati \u0127addiema barranin, mag\u0127rufa b\u0127ala TCNs, biex isiru parti mill-ekonomija nazzjonali.<\/strong> Fil-pre\u017centazzjoni li ta l-Kurunell Mark Mallia lill-Kunsill tal-MCESD, huwa tkellem dwar l-isforzi tal-A\u0121enzija biex tissimplifika l-pro\u010bess tal-applikazzjoni tal-permessi g\u0127all-\u0127addiema barranin, bil-g\u0127an li ji\u0121u attirati professjonisti ta\u2019 kwalit\u00e0 g\u0127olja. \u0120ew enfasizzati l-isforzi kollaborattivi mal-Pulizija ta\u2019 Malta<\/a> li jag\u0127mel due diligence<\/em> dovuta g\u0127as-sigurt\u00e0 nazzjonali u pubblika u ma\u2019 Jobs Plus<\/a> g\u0127all-kontroll u monitera\u0121\u0121 fuq is-suq tax-xog\u0127ol. \u0120ew spjegati skill cards prospettivi g\u0127as-settur tal-ospitalit\u00e0 u qafas regolatorju aktar strett g\u0127all-\u0127addiema barranin li jsuqu karozzi Y-plate.<\/p>\n

Is-Sinjura Diane Vella Muscat, id-Direttur \u0120enerali tad-DIER, ippre\u017centat informazzjoni dwar ir-regolamenti tal-A\u0121enziji tal-Impjieg (Temping <\/em>Agencies). Dawn ir-regolamenti u l-istandards ta\u2019 kwalit\u00e0, li qabel kienu assenti, g\u0127andhom i\u0121ibu bidliet sinifikanti. Is-Sinjura Vella Muscat spjegat ir-ra\u0121unament wara dawn ir-regolamenti, lil hinn mid-direttivi tal-UE biex ji\u0121i stabbilit pjan \u0127olistiku li jissalvagwardja l-impjiegi u l-a\u0121enzija tat-temping. Il-le\u0121i\u017clazzjoni tistandardizza u tirregola l-operazzjonijiet tal-a\u0121enzija, u ti\u017cgura prattiki ta\u2019 rekluta\u0121\u0121 eti\u010bi u appro\u010b\u010b ta\u2019 tolleranza \u017cero g\u0127all-isfruttament tal-\u0127addiema. Bi standards u pieni rigoru\u017ci, l-g\u0127an ewlieni huwa li nipprote\u0121u lill-\u0127addiema, nsa\u0127\u0127u t-tlaqqig\u0127 bejn dawk li qed ifittxu xog\u0127ol u postijiet vakanti, u nikkontribwixxu g\u0127al prosperit\u00e0 ekonomika sostenibbli. L-irwol tal-imsie\u0127ba so\u010bjali huwa kru\u010bjali kemm permezz tat-tixrid tal-informazzjoni lill-membri tag\u0127hom u anke sabiex l-implimentazzjoni ta\u2019 tali li\u0121ijiet ikunu iktar effettivi u ta\u2019 kwalit\u00e0, spjegat id-Direttur \u0120enerali.<\/strong><\/p>\n

Meta g\u0127amlu rakkomandazzjonijiet g\u0127al titjib essenzjali biex jattiraw \u0127addiema ta\u2019 kwalit\u00e0 u ta\u2019 talent biex jipparte\u010bipaw fl-ekonomija nazzjonali, l-imsie\u0127ba so\u010bjali mhux biss irrakkomandaw titjib me\u0127tie\u0121, i\u017cda rrikonoxxew ukoll l-irwol li g\u0127andhom kemm l-A\u0121enzija Identit\u00e0 kif ukoll id-DIER.<\/p>\n

Fit-tieni parti tal-laqg\u0127a, l-Awditur \u0120enerali,<\/a> is-Sur Charles Deguara, \u0121ie milqug\u0127 fl-MCESD. Wara studju intensiv tal-avvenimenti kemm f\u2019pajji\u017cna kif ukoll barra, l-enfasi kienet fuq rakkomandazzjonijiet li g\u0127andhom x\u2019jaqsmu ma\u2019 public-private partnersips,<\/em> li jg\u0127aqqdu l-investiment privat u l-assi tal-gvern biex joffru opportunitajiet g\u0127all-i\u017cvilupp ekonomiku u so\u010bjali. <\/strong>Id-diskussjoni kienet tinkludi anali\u017ci ta\u2019 prattiki tajba, oqsma g\u0127al titjib u lezzjonijiet me\u0127uda minn pratti\u010bi barra minn Malta. \u0120ew ifformulati rakkomandazzjonijiet g\u0127all-evalwazzjoni ta\u2019opportunitajiet li jo\u0127or\u0121u minn kollaborazzjonijiet bejn il-privat u l-gvern biex ji\u0121i \u017cgurat li l-flus tal-poplu jintu\u017caw bl-a\u0127jar mod possibbli g\u0127all-benefi\u010b\u010bju tas-so\u010bjet\u00e0 u l-ekonomija.<\/p>\n